نعيت القلب من غدى كله جراح
................... وجرح الهوى فيني نبت وسطه عروق
سهرت ليلٍ قاتلٍ كله نواح
...................أمسح عيونٍ تشتكي شوك وحروق
دمع العيون اللي على جفنها ساح
................... بانت على أهدابٍ غدت كلها شفوق
ما كنت أظن اللي جرح قلبي يرتاح
................... ويعاتب اللوعات ويعاتب الشوق
اللي على نفسي في أحزان الأفراح
................... شمسي غدت له كل أحزانها شروق
ليته درى في جفن يغرق بالأتراح
................... وليته اللي شال عظمٍ من حلوق
ليتك عرفت أن للغلا فيني أرواح
...................والروح لا من فارقت جسمي تضوق
الا غلاتك سابقت ريح الأجماح
................... وسرعة أرواحك غدت كنها بروق
وكلمة عتابك على قلبي , رماح
................... تطعن ضليل الشوق والموته تسوق
ولا زعلت القلب في ضيقته راح
................... يعذب بروحٍ وهي , منه تذوق
وكل العذاب اللي على الروح ينزاح
...................إذا رضت نفسك على نفسي تروق
قلبي ينادي والندى كله صياح
................... أرجع ترى شمس الهوى كلها شروق
الرئيسية
