مــد النظــر تكفى ولا تـرجعه أنت
. . . . . . مــد النظـــر حتـى يعـوّد بكيـفه
مع الأفـق أو أرفعــه فـوق لاهنت
. . . . . . عســاك تلقى من تحــرّيت طيفه
يوم أنقشع عني ضبـابك تفطّـنت
. . . . . . بعدي وصلكم ظيف وانتي مظيفه
أمهلتك ثم أمهلت وابطيت مالنت
. . . . . . ورغم الالم قاومت موجـه مخيفه
صبـرت من اجلـك ولجلـك تبيّنت
. . . . . . واضـح أمـامـك كان منتي كفيـفه
لكن خلاص اخذت عن وضعك برنت
. . . . . . فيه الحقــائق واضحـه ياظــريـفه
لاتنخرع؟ وحدي سحبته ولا أعلنت
. . . . . . قـرأته وأحـرقته بسـاحه نظيـفه
وابـشّــرك نقضت عهـدي وهوّنت
. . . . . . أنّـي معــك ابني حيــــاةٍ لطيـــفه
وقبل الختام أقول ليتك تمعّـنت
. . . . . . في كلمتي قبل العلـوم السخيـفه