اثر زماني يا عشيري على الجيه تحداني

اثر زماني ياعشيري على الجيه تحداني
على الي اشفق لشوفه و حال البعد من دونه
ترى الحال يا خلي على الغيبات نقصاني
على طول الدهر و الحال من دون في دونه
نجد و يابعده على الي فالسِيف سكاني
اعد البطا و اعد كلمة غير مازونة
ادرى راعي القالة بالقالات فتاني
يظن المودة عيب في شرعة و قانونه
الله لا يجزي راعيها بالاحساني
هرج النمامه ياعشيري ما يخلونه
عليه الله اكبر و لا جاب برهاني
الله يذوقه الي يجيبه بماعونه
عليك الروح مصخيها بلا اثماني
اعيش و النفس في ذمتك مرهونه
عانيك على الجيات لاجلك و شفقاني
ما بي انا والله غير شوفت اعيونه
الي سحر نطقه عن البيض يهجاني
قلب المعنا لا هرج له يسلونه
اللي هروجه وصف لولو و مرجاني
غايات النوايب خاطري ما يحسونه
عسى لايمي يبلا بشوفات الاعياني
ثلاثين عام احباب عينه ما يراعونه
مليوم في حب مدعوج الاعياني
و الردف لامن قام ثوبه يشيلونه
كواني كوية منها وجعان وجعاني
في داخلي الحشا ما قط يكوونه
و خلا سروح بالحشا تمرح بغفلاني
لين خلا علتي داخلية و مبطونه

تسسسسسسسسسلم الايااددي
اببدااع جمييل

الله يسسسسسسسسلمكم