من غلاتك .. ليتني كونك وأضمّك واحتويك

من غلاتك .. ليتني كونك وأضمّك واحتويك
ومن حلاتك .. صرت أنا الحاسد أجوع وماشْبعك

والله أنّي أحْسد النسمة إذا مرّت عليك
وأحْسد عطورك وذاك الخاتم اللي باصبعك

وأحْسد خطوط الكفوف اللي تحلّت في يديك
وأحْسد اللي في حياته عايش ٍ عمره معك

وأحْسد الضحكة إلى منْ غازَلَتْها شفّتيك
وأحْسد الكلمة إلى من نوّخت في مسمعك

وأحسْد الأشياء لامنْ لامستها راحتيك
وأحسْد لباس ٍ يضمّك في وسَطْهُ ويجمعك

وأحْسد اللي جاد حظّه وألتقى في ناظريك
وأحْسد دموع ٍ تحدّر يالغلا من مدمعك

وش بقى يعني واحَسْده منك يالغالي وفيك ؟؟
حتّى ظلّك قد حسدته يوم شفته يتبعك !!

سمّني عقب الحكي هذا "( الحسود اللي يبيك )"
مابقى غير إنّي أحسد نفسي لو أجلس معك